Basta

Woh kitabon mein jade keede,

Aur kandhon ka dard jhelna,

Fir wahin usko bench pe rakhkar,

Padhai pe sar patakna,

Ek umra thi woh bhi, Ek umra hai aaj bhi,

Jab kandhe kamzor hai aur bhaar wahi,

Sach puchte the log, kya banoge bade hokar?

Jawab unke sawaalon mein chupa rehta tha,

Bas apne kandhe mazboot karte jaana hai..

 

Kabhi nasamaj hone ki goonj, kabhi dhyan na lagne ka dhuaan,

Kabhi rang kisi aur mein dikhna aur kho jaana,

Aa wapis bethte the ujaale ke niche, pherte hue panne,

Shayad kuch yaad aa jaaye, ya kuch samaj jaaye,

Paas toh ho gaye, marks bhi chalo paa liye,

Kuch adhyaapak aaj bhi yaad karte hai apni laal siyahi ke khaatir,

Unhe kya pata kahan pohonch chuke hum, kya kuch na dekh liya humne,

Woh kehte rahe tum bohot aage jaaoge, kahaan hum aaj nikal pade..

 

Aaj bhi yaad aata hai tera woh pyaar se basta kandhon par chadhaana, Maa,

Nahi seh paa raha is duniya ki paribhaasha aur takraar,

Ek aur baar aakar baal banade, dudh pila de, sar sehla de,

Kya pata phir se is baste ko uthaane ke qaabil sa ho jaau?

Your email address will not be published. Required fields are marked *

*

CommentLuv badge