Mumbai – Meri Shaan

Jaise ek nanhe bachche ka kadam,
Jaise koi khwaish ne liya ho dum,
Chal pade apne sapno ko haasil karne,
Kise pata tha ho jaaenge is shehar mai mashgul..

Kabhi aasman ki sair karwai isne,
Kabhi lehron ki gehrai napwai isne,
Tha kabhi shaant iski raaton ki tarah,
Chala tha bas kuch akela, kuch sambhla..

Iski hawaon mai ek ehsaas hai, kya mehsoos hua tumhe?
Har insaan ke dil mai ek pyaas hai, kya ho tum bhi pyaase?
Har sawaal ka jawaab, Mumbai,
Har jawaab ka sawaal, Mumbai,
Kehte hai kuch isse apni shaan, jaan aur armaan,
Aur kuch bas kho chuke hai apne hi sapno mai,
Sambhaal fir bhi rahi hai Mumbai unhe..

Safar shabdon mai bayaan karoon aaj shabd nahi,
Yeh shehar nahi, log nahi, ek ehsaas hai,
Jisne jee lie mumbai ko apne dilo jahaan se,
Samjho woh phir na maangega kuch apne khuda se..

Your email address will not be published. Required fields are marked *

*

CommentLuv badge