Raasta Aur Manzilein

Girte hue sambhlo, Sambhalte hue giro,
Zindagi ke dastoor se tum na daro,
Aandhi ho ya toofano ke samay,
Tum sirf aage badhte hue chalo..
Sehmi si zindagi tumhe anek rang dikhaaegi,
Behki hui soch kabhi tumhe bhi lubhaaegi,
Mehfuz tum ho kahin dilon mein sabke,
Na agar mile koi toh kabhi khudse milo,
Do baatein karo,
Khudse thoda pyaar karo,
Aur phirse chal pado..
Rukna nahi hai, bas chalte jaana hai,
Aasan nahi safar, tum raahi ho, na socho,
Samaj na aa sake yeh kahaani toh sawaal karo,
Aaye samaj yeh pehlu toh usse tum paar karo,
Bas rakhna apni khushi ko surakshit,
Hai sapne hazaar jinki karni hai hifaazat,
Haath thaamo himmat ka,
Aur phirse chal pado..
Kuch bane ho tum aaj apne balboote par,
Jahan pohonche ho, hai woh tumhari fitrat,
Aane waale mod abhi andheron mein has rahe hai,
Jeet bas tumhare kadmon ko chhune ko hai betaab,
Karo yakeen kismat par aur rakho apne jeevan par aitbaar,
Utho, aur phirse chal pado..
Utho, aur phirse chal pado..

Your email address will not be published. Required fields are marked *

*

CommentLuv badge