Siyahi

Raaston ka ant nahi aata, mushkil badh rahi hai
Benakaab si zindagi kuch khul rahi hai
Bethe hai khushnasibi ki aad liye, kabhi toh milegi
Kho chuke bahot kuch, kuch paakar khush hai..

Kahin itna na tarasho mujhko ke heera fir paththar ban jaaye
Kaha usne khuda se
Jude hue haath aaj khulkar bheekh maang rahe
Shabd gehre, zindagi kuch nam,
Andheron mai rehne ki ek aadat thi kam,
Likh chuke bahot kuch, ab jeene ko jee chahta hai,
Sun rahe ho tum kahin?
Rokar sambhle hue waqt nahi hota ke fir ek aandhi khadi,
Nahi hoon mai mazbut, tutne ko dil karta hai
Ghere koi baahon mai simat ne ko dil karta hai
Sun rahe ho tum kahin?

Bikhre panne, laddi hui siyahi, bepaak shabd,
Kahin dur betha ghar se likh raha hoon ek khat tumhe,
Aey Khuda, rehm kar
Thak chuka hoon, ab toh ek chen bhari nind ka ilm kar,
Zakhm nahi bhare, chotein bahot hai dene ko
Aa kabhi apne haathon se marham hi laga ja?
Sun rahe ho na tum kahin?

De chuka sab jo tune diya tha aur maine paaya tha apne dum par,
Aaj phir haath failaaye khada hu tere dar par,
Na chahiye is waqt koi vilasita, bas rehm aur do gaz hasi,
Aana phir tere paas hi hai, god mai panaah dene ko taiyaar rehna..

2 Comments, RSS

  1. Kuhika Shrivastava April 28, 2014 @ 10:12 am

    kamaal hai yaar (Y)

  2. gairo April 28, 2014 @ 12:55 pm

    bahut pyaara likha hai 🙂

Your email address will not be published. Required fields are marked *

*

CommentLuv badge