Mehfuz Hoon

Suraj ki tarah utha kabhi toh chand ki tarah soya
Shabdon mai chhupe hue aansoon
Tanhaayee mai chhupi aahat ki tarah
Tujhe har kan mai sanjoya
Ishq farmaaya nahi gaya
Dhadkan jaatayi nahi gayi
Fir chala khudki raahon par akela..
Aaj socha kahin khatre mai toh nahin
Kahin kuch kho toh nahi betha
Khuda ne har pal sehlaaya phir
Sochne par majboor kiya
Baahon mai jaisa rota hua bacha
Aangan mai jaise khelti hui beti
Mehsoos mujhe phir hua
Mehfuz hoon mai, Mehfuz tha pehle bhi..
Kuch aadaton ne jaise jakda phir bhi aazaad
Zindagi ki daud ne kia sunn phir bhi zinda
Aasman jaise saath tha, saath hai
Phoolon mai khushboo, Falon mai aaj bhi
Kuch mithaas hai..
Chalte hue phir pahuncha toote hue darwaaze par
Thokar unhone bhi khaayi hai
Cheekhi uski har kadi aaj
Socha phir kya yeh bhi hai kuch dard mai?
Kya deewaron ke bhi kaan khoon se lade hai?
Kya titli ke rangon mai woh maasomiyat hai nakli?
Samjha yeh dil phir
Aasan kisi ke liye kuch bhi nahi
Bas chalte jaana hai
Apna karam karte jaana hai
Maangne wale ko kuch milta nahi
Bas jo tum de chuke wahi wapis aana hai
Mehfuz hoon mai, Mehfuz tha pehle bhi..
Raahein kanton bhari, Bhavishya anishchit
Kahin kho na jaaye Aaj isme kahin
Phir kalam ne pukaara hai
Phir mujhe us apne andar base hue khuda
Ko jagaana hai..
Shaant paani, Machalte pahaad
Sukhe vruksha aur behte jharne
Sab kuch keh rahe hai kuch sun rahe hai
Har aawaaz mai kuch gehraayi hai
Kya hum mehfuz hain?
Maine suna apne andar, Haan
Mehfuz hoon mai, Mehfuz tha pehle bhi..

3 Comments, RSS

  1. Aavika Dhanda March 24, 2014 @ 2:35 pm

    The last three paras did magic to me! Very very beautiful! 🙂 I think this is a poem worth remembering always. Will teach us all a lot!

  2. Megha Shrimali March 25, 2014 @ 5:36 am

    that last line did magic!

  3. 3.14-eater April 10, 2014 @ 6:51 am

    i really wish you would put in the effort to write Hindi poems in Hindi script. Reading this in english script makes it so difficult!

Your email address will not be published. Required fields are marked *

*

CommentLuv badge