Ek Aadha Adhoora Ishq

Jaise saagar ki gehrai ko naapne chala
Kabhi kinaaron pe sehma betha
Ishq hai adhoora nahi, aashiq hi sahi
Doobte aashiq nahi, doobta ishq hai kabhi

Farmaaishein, Zarooratein se ladda hua
Kuch bhaari sa, Kuch palkon pe nam sa chal
Yeh ishq nahi aasaan kaha tha unhone
Bas jo chal die in paththaron ki lakeeron se

Jaisi behti hue lehre pukaarti hai tumhe
Kabhi pukaaron unhe
Jaise chaand ko ghurne pe lagta hai khushnuma
Kabhi chumo us chehre ko chupke se
Jaise chalte hue dekhte ho anek chehre
Kabhi ruko toh sahi betho toh sahi inke paas
Yeh ishq bas kuch waqt rukega
Par yeh waqt phir se ishq na laa paaya toh?

Sawaal, haan kuch aadhe adhoore
Jaise yeh ishq kuch poora sa
Na pucho aashiqui mai kya basa hai
Pas jo isme hua woh isi ka hua hai
Kuch bana hai
Kuch bigda hai
Kuch roya hai
Kuch aadhi raat sa soya hai

Bhari palkein ek tohfa
Bhari dil ek aahat
Bhari dhadkane kuch sehmi si
Haan bas kuch toh kehna tha mujhe bhi
Nahi, ishq ke baare mai nahi,
Ishq ke lie
Par kuch adhoora hai abhi ishq
Ek Aadha Adhoora Ishq

2 Comments, RSS

  1. Dishank Devluk September 25, 2013 @ 6:30 pm

    You have a good grip over Hindi too, keep it up 🙂

  2. varsha kalyani September 25, 2013 @ 8:15 pm

    Nice read <3 Flow was good and the ending is done smoothly 🙂
    I want more, if you can add and make it longer, please do.

Your email address will not be published. Required fields are marked *

*

CommentLuv badge