Parindey

Kuch insaan ke roop mai, Kuch haivaan ke roop mai,
Kuch behti nadi ke roop mai udte parindey,
Kabhi rukte kabhi basera sa failaate,
Kabhi wahaan se udke kabhi fir wapas na aane wale parindey..

Kuch unke bhi dard ko samjha karo,
Kabhi unke chhoton ko sahlaaya karo,
Kya kuch na unhone bhi khoya kya paaya,
Kabhi unse bhi do baatein dil ki buna karo..

Na yeh sirf wahi udne wale parindey hai,
Kuch paani pe chalke bhi parindo sa jeete hai,
Kuch bandh kamron mai kalamon se udte,
Kuch rangon se sinchein hue aansuon se lagte hai,
Haan yeh sab bhi parindey hain..

Kuch shabdon se bayaan karte zindagi,
Kuch khoon se fanaah hokar likh chuke,
Kuch jee rahe hai bepanaah fir bhi khush hai,
Maa ki chaav ka unke paas lutf hai..
Kehte hai ki hum parindon se kam nahi,
Chalte hai shaan se apni galion mai,
Lehraati hui in hawa mai paigamon se banke,
Fir aa jaate hai us maa ki kokh mai, yeh parindey..

Na sirf pankhon se naam do unhe,
Kuch yahan bina haath paanv bhi udte hai,
Kisi ko na lachaar samjho is duniya mai,
Jiska Dil Jawaan, Honsla Buland, aur Soch Sachchi hai,
Har koi woh kehlaaega ek Haseen Parinda..

3 Comments, RSS

  1. Soumya Mukherjee June 25, 2013 @ 3:00 pm

    So well written. Will put a smile on every reader's face. 🙂

  2. The Mentalist June 26, 2013 @ 10:51 am

    Lovely. Put a smile on my face 🙂

  3. gairo June 28, 2013 @ 1:52 pm

    Waah!

Your email address will not be published. Required fields are marked *

*

CommentLuv badge