Khushnuma Mehbooba

Yun zulfe jo teri lehrai, aankhein aasman chu aayi,
Jo tere is pal ki muskaan, ek lamha chin laayi,
Is aangan mai lipta us pate ka toot jaana,
Na mera raha tu, na us prakruti ka ho saka.

Ek aahat si tere chune mai, ek garmi teri badan ki,
Na mehsoos kia dil ne, us chubhan ko ya jalan ko,
Hua yeh aise pyaar kuch narm dil,
Mai na sardi seh paaya, na barsaat dil mai aayi.

Tere aane se jo is dil mai, ek lehar si uthi hai,
Tere jaane ke naam se, bas zeher pi chuki thi,
Inteha na le iske yeh teri ho chuki hai,
Bas naam hai iska zindagi yeh toh fanaah ishq kar basi hai.

Is maahol ko tere ehsaas ne kuch taaza sa kar diya hai,
Mai aaj tak tha phool aaj mujhe tune gaayak kar diya hai,
Na likh paata is dil ke bayaan ko na hoti tu is zehen mai,
Aa tujhe baahon mai loon kai barso beet chuke hai.

Ek saath ka ek pehlu tha, tu mera tab nahi tha,
Mai bhatak raha in raaho mai, ajnabee koi tha,
Haatho ko tune kuch aisa hai thaama,
Na gir saka mai khaai se, na uth saka us unchaai se.

Ek kasam ek vaada naa maangunga ae jaan meri tujhse,
Bas ghar basaalu tere dil ke kone mai kahi main,
Tu hai aaj bhi aazaad parinda, yeh teri saanse bhi nahi hai,
Aa saath de mera ek saans kuch sang jee lein.

Na chune mai woh baat hai, na labo ki labo pe pyaas hai,
Ishq aisa ilhm hai bas jisme jazbaato ke taalab hai,
Yeh jaan chuki hai tu, yeh jaan chuka hu mai ab,
Hum dono bane the isi ke lie, bas aaj mujhe teri aas hai.

Paa sakun tujhe mai us kadar chahunga na tujhe,
Khushi tujhe ek pal ki du bas utni koshish karunga,
Tu jee sake mere saath woh mai masoomiyat se kehta hoon,
Tere ashq mai kabhi, in motiyon ko na khone dunga.

Bas aaj tere bharose ki chaabi mujhe chahiye,
Aaj tere haath ki lakeer mai do gaz zamin mil jaaye,
Na maanga khuda se tujhe maine tu bas aayi hai meri jholi mai,
Khuda ka diya  hua prasad hai tu, bas tu ek chamki hu Deen hai.

3 Comments, RSS

  1. Chandan Kumar May 8, 2012 @ 10:15 am

    Kya baat hai…
    Good one.

  2. Sunny Parampil May 9, 2012 @ 11:03 am

    Dil se likha hain, ismein koi shaq nahin 🙂

  3. Pooja Maurya December 27, 2012 @ 1:19 pm

    You write beautifully. Choose words wisely.
    Good one.
    Way to go! Good luck. 🙂

Your email address will not be published. Required fields are marked *

*

CommentLuv badge