Haraam Ya Karam?

Jab lie tum janam toh kaha tha uaa,
jab hue kuch bade to the thode nazook,
jab bolna chaha toh kuch bhi keh chale,
samja har koi par tum samaj na sake.

Aayein ho kyu tum is dunia ki bheed mai,
kya hai tumhari manzil ki asli raah,
kya tum jaan chuke the us kokh mai hi,
ki dunia hai zaalim aur karni hai fateh.

Aa chuke tum jab aaj yahaan,
kya chahte ho tum kya sochte ho,
jeena marna hai bas khel sa ab toh,
kuch kama sake toh naam kama le.

Paisa, cheeze, pyaar ko tu paane chala,
kya tune samjha yeh sab mushkil hai,
paa chuka tu sab kuch aasani se,
ab kya paana baaki hai?

Ab jaakar tu samjha yeh dunia toh bas kehti hai,
asli duni toh dil aur dhadkano se behti hai,
kar chuka kuch karam toh bas ho jaaega dhanya,
varna fir se aana na pade is zaalimo ke dar.

Waqt hai tere paas samj le is dunia ko,
de sake jitna tu de chal in gareeb-ameero ko,
jaan le ye bhi ke bas zindagi hai kuch palo ki,
toh shayad jeena chod de ye un Kharide hue lamho ko.

3 Comments, RSS

  1. ish_gypsy November 21, 2011 @ 10:07 pm

    Nice 🙂

  2. bugger November 23, 2011 @ 8:07 pm

    true words mate!!

  3. Ashwin D November 26, 2011 @ 8:41 am

    Thanks paras..! 🙂

Your email address will not be published. Required fields are marked *

*

CommentLuv badge